ന്യൂഡല്‍ഹി: പ്രധാനമന്ത്രി നരേന്ദ്ര മോദിയുടെ നേതൃത്വത്തിനു കീഴില്‍ ഇന്ത്യ ‘രണ്ടു പോരാട്ടങ്ങളും’ വിജയിക്കാന്‍ പോവുകയാണെന്നും രാഹുല്‍ ഗാന്ധിയുടെ പ്രസ്താവനകള്‍ ചൈനക്കും പാകിസ്താനും പ്രോത്സാഹനമാണെന്നും ആഭ്യന്തര മന്ത്രി അമിത് ഷാ. മോദി ഭരണത്തിലെ കോവിഡിന് എതിരായ പോരാട്ടത്തെയും കിഴക്കന്‍ ലഡാക്കിലെ സംഘര്‍ഷത്തെയും പരാമര്‍ശിച്ചായിരുന്നു ഷായുടെ പ്രതികരണം. വാര്‍ത്ത ഏജന്‍സിയായ എ.എന്‍.ഐ.യ്ക്കു നല്‍കിയ അഭിമുഖത്തിലാണ് ഷാ ഇങ്ങനെ പറഞ്ഞത്.
”ഇന്ത്യ വിരുദ്ധ പ്രചാരണം കൈകാര്യം ചെയ്യാന്‍ ഞങ്ങള്‍ക്ക് പൂര്‍ണ കഴിവുണ്ട്, എന്നാല്‍ ഒരു വലിയ രാഷ്ട്രീയ പാര്‍ട്ടിയുടെ മുന്‍ പ്രസിഡന്റ് പ്രശ്‌നമുള്ള സമയത്ത് അങ്ങനെ ചെയ്യുന്നത് വേദനാജനകമാണെന്നായിരുന്നു, അഭിമുഖത്തില്‍ ഷായുടെ പ്രതികരണം. പ്രധാനമന്ത്രി നരേന്ദ്രമോദിയുടെ പ്രതികരണം ചൈന ഉപയോഗപ്പെടുത്തിയ സംഭവത്തിലും ഷാ രാഹുലിനെ കുറ്റപ്പെടുത്തി പ്രതികരിച്ചു. ലഡാക്കിലെ ഗാല്‍വാന്‍ താഴ്വരയില്‍ 20 ഇന്ത്യന്‍ സൈനികര്‍ കൊല്ലപ്പെട്ട സംഭവത്തില്‍ ഇന്ത്യന്‍, ചൈനീസ് സൈനികര്‍ തമ്മിലുള്ള മുഖാമുഖ ആക്രമണത്തിന് ഗാന്ധി നേതൃത്വം നല്‍കിയതായും ഷാ ആരോപിച്ചു. ചൈനയും പാകിസ്ഥാനും ഇഷ്ടപ്പെടുന്നതാണ് രാഹുല്‍ ഗാന്ധി പറയുന്നത്. ട്വിറ്ററില്‍ രാഹുല്‍ നടത്തിയ ‘സുരേന്ദര്‍ മോദി’ എന്ന പദം ഉപയോഗിച്ച് ഇന്ത്യയുടെ പ്രദേശം ചൈനയ്ക്ക് സമര്‍പ്പിച്ചുവെന്നും ഷാ കുറ്റപ്പെടുത്തി. അദ്ദേഹത്തിന്റെ ഹാഷ്ടാഗാണ് പാകിസ്ഥാനും ചൈനയും ഉപയോഗപ്പെടുത്തുന്നതെന്നും ഷാ പറഞ്ഞു.
അതേസമയം, പ്രധാനമന്ത്രി നരേന്ദ്രമോദി സര്‍വ്വകക്ഷി യോഗത്തില്‍ നടത്തിയ പരസ്യ പ്രസ്താവന ചൈനീസ് മന്ത്രാലയം ഉപയോഗപ്പെടുത്തിയ സംഭവത്തില്‍ ഷാ മൗനം പാലിക്കുകയാണുണ്ടായത്. ചൈന ഒരു ഇന്ത്യൻ ഭൂപ്രദേശവും പിടിച്ചെടുക്കുകയോ അതിർത്തി കടക്കുകയോ ചെയ്തിട്ടില്ലെന്ന സഖ്യകക്ഷി യോഗത്തിൽ പ്രധാനമന്ത്രിയുടെ അഭിപ്രായത്തോടുള്ള പ്രതികരണമായിരുന്നു ഗാന്ധിയുടെ ‘സുരേന്ദര്‍ മോദി’. ഇതിന് പിന്നാലെയായിരുന്നു 20 ജവാന്മാര്‍ കൊല്ലപ്പെട്ട ലഡാക്ക് വിഷയത്തില്‍ രാഹുല്‍ ഗാന്ധി എന്‍ഡിഎ സര്‍ക്കാറിനും മോദിക്കുമെതിരെ തുറന്നടിച്ചത്.
എന്നാല്‍ ലഡാക്ക് വിഷയത്തിൽ പാർലമെന്റിൽ ചർച്ചയ്ക്ക് സർക്കാർ തയ്യാറാണെന്ന് ഷാ പറഞ്ഞു. ‘ആരും ഒരു ചർച്ചയിൽ നിന്ന് ഒഴിഞ്ഞുമാറുന്നില്ല. പാർലമെന്റ് വിളിക്കാൻ പോകുന്നു. നമുക്ക് ഒരു ചർച്ച നടത്താം. ’62 മുതൽ ഇപ്പോൾ വരെ നമുക്ക് ചർച്ച ചെയ്യാം. അതിർത്തിയിൽ നമ്മുടെ ജവാൻമാർ പോരാടുകയും സർക്കാർ കടുത്ത നിലപാട് സ്വീകരിക്കുകയും ചെയ്യുന്ന ഒരു സമയത്ത്, ചൈനയ്ക്കും പാകിസ്ഥാനിനും അനുകൂലമായ പ്രസ്താവന ഞങ്ങൾ നൽകേണ്ടതില്ല, ”അദ്ദേഹം കൂട്ടിച്ചേർത്തു.
കൊറോണയ്‌ക്കെതിരെ കേന്ദ്ര സര്‍ക്കാര്‍ മികച്ച രീതിയില്‍ പോരാടിയെന്നും ഷാ അഭിമുഖത്തില്‍ അവകാശപ്പെട്ടു. ഇന്ത്യ കൊറോണയ്‌ക്കെതിരെ മികച്ച രീതിയിലാണ് പോരാടിയത്. എനിക്ക് രാഹുല്‍ ഗാന്ധിയെ ഉപദേശിക്കാന്‍ സാധിക്കില്ല. അത് അദ്ദേഹത്തിന്റെ പാര്‍ട്ടി നേതാക്കളുടെ ജോലിയാണ്. ചില ആളുകള്‍ വക്രദൃഷ്ടികളാണ്. ശരിയായ കാര്യത്തില്‍ പോലും അവര്‍ തെറ്റ് കണ്ടെത്തും, കോവിഡ് വിഷയത്തിലും രാഹുല്‍ ഗാന്ധിയെ കുറ്റപ്പെടുത്തി അമിത് ഷാ പറഞ്ഞു.
അതേസമയം, ഡല്‍ഹിയിലെ കോവിഡ് കേസുകളെ സംബന്ധിച്ച് ഡല്‍ഹി ഉപമുഖ്യമന്ത്രി മനീഷ് സിസോദിയ നടത്തിയ പ്രസ്താവനയേയും അമിത് ഷാ കുറ്റപ്പെടുത്തി. ജൂലൈ 31 ആകുന്നതോടെ ഡല്‍ഹിയിലെ കോവിഡ് 19 രോഗികളുടെ എണ്ണം 5.5.ലക്ഷമായി ഉയരുമെന്നാണ് ഡല്‍ഹി ഉപമുഖ്യമന്ത്രി മനീഷ് സിസോദിയ പ്രസ്താവിച്ചിരുന്നത്. എന്നാല്‍ നാം ആ ഘട്ടത്തിലേക്ക് പോവില്ലെന്ന് എനിക്കിപ്പോള്‍ ഉറപ്പുണ്ടെന്നും കുറച്ചുകൂടി നല്ല അവസ്ഥയിലെത്തുമെന്നുമാണ് ഷാ പറഞ്ഞത്. ഡല്‍ഹിയില്‍ സാമൂഹിക വ്യാപനമുണ്ടായിട്ടില്ലെന്നും ഭയപ്പെടേണ്ട സാഹചര്യമില്ലെന്നും മുന്‍കരുതല്‍ നടപടികളില്‍ നാം കുറേക്കൂടി ശ്രദ്ധ പതിപ്പിച്ചിട്ടുണ്ടെന്നും അമിത് ഷാ വ്യക്തമാക്കി.
രാജ്യത്ത് കൂടുതല്‍ പ്രദേശങ്ങളിലേക്ക് കൊവിഡ് പടരുന്നതില്‍ പ്രധാനമന്ത്രി നരേന്ദ്ര മോദിയെ രൂക്ഷമായി വിമര്‍ശിച്ചും രാഹുല്‍ ഗാന്ധി കഴിഞ്ഞ ദിവസം രംഗത്തെത്തിയിരുന്നു. കൊവിഡ് വ്യാപനം രാജ്യത്തെ മറ്റ് സ്ഥലങ്ങളിലേക്കും എത്തിയെന്നും എന്നാല്‍ രാജ്യത്തെ സര്‍ക്കാരിന് ഇതിനെക്കുറിച്ച് യാതൊരു പദ്ധതിയുമില്ലെന്നും രാഹുല്‍ പറഞ്ഞത്. പ്രധാനമന്ത്രി ഇതിനെക്കുറിച്ച് നിശബ്ദനാണ്. പ്രധാനമന്ത്രി കൊവിഡിനോട് അടിയറവ് പറഞ്ഞിരിക്കുകയാണെന്നും അദ്ദേഹം പൊരുതാന്‍ തത്പരനല്ലെന്നും രാഹുല്‍ കുറ്റപ്പെടുത്തിയിരുന്നു.
അതേസമയം രാജ്യത്തെ കൊവിഡ് കേസുകള്‍ അഞ്ച് ലക്ഷം കടന്നു. കൊവിഡ് ബാധിതരുടെ എണ്ണം നാല് ലക്ഷത്തില്‍ നിന്ന് അഞ്ച് ലക്ഷം കടന്നത് വെറും ആറ് ദിവസം കൊണ്ടാണ്. പ്രതിദിനം റിപ്പോര്‍ട്ട് ചെയ്യുന്ന കൊവിഡ് കേസുകളുടെ എണ്ണം 18000 കടന്നു. രാജ്യത്തെ രോഗമുക്തി നിരക്ക് 58.13 ശതമാനമായി കുറഞ്ഞു. കൊവിഡ് പരിശോധനകളുടെ എണ്ണം 79 ലക്ഷം പിന്നിട്ടെന്ന് ഐസിഎംആര്‍ വ്യക്തമാക്കി. 24 മണിക്കൂറിനിടെ 43 ബിഎസ്എഫ് ജവാന്മാര്‍ക്ക് കൂടി കൊവിഡ് സ്ഥിരീകരിച്ചു.
