ഇനി ഫേസ്ബുക്ക് വാളില്‍ എന്തെല്ലാം ഉള്‍ക്കൊള്ളിക്കണമെന്ന് നമ്മള്‍ക്ക് തീരുമാനിക്കാം. പേജ് കസ്റ്റമൈസ് ചെയ്യുവാനുള്ള സംവിധാനം ഏര്‍പ്പെടുത്തിയിരിക്കുകയാണ് ഫേസ്ബുക്ക്.
ഫേസ്ബുക്കിന്റെ ഈ സംവിധാനം ഇതിനകം പുറത്തിറങ്ങി കഴിഞ്ഞു. ഐഒഎസ് ഉപഭോക്താക്കള്‍ക്ക് ടാബുകള്‍ നീക്കം ചെയ്യാന്‍ ഇപ്പോഴേ സാധിക്കും. ആന്‍ഡ്രോയ്ഡ് ഫോണുകളില്‍ ഈ സൗകര്യം ലഭിക്കാന്‍ ഏതാനും ആഴ്ചകള്‍ കൂടി കാത്തിരിക്കേണ്ടി വരും.
ഉപഭോക്താക്കള്‍ക്ക് തങ്ങളുടെ വാളില്‍ നിന്ന് ആവശ്യമില്ലാത്തതെല്ലാം ഒഴിവാക്കാനുള്ള സൗകര്യമുണ്ട്. ആവശ്യമില്ലാത്ത ടാബുകളെല്ലാം എടുത്ത് മാറ്റാനാകും. മാര്‍ക്കറ്റ്, പ്ലേസസ്, ഇവന്റ്‌സ്, പ്രോഫൈല്‍, ഫ്രണ്ട് റിക്വസ്റ്റുകള്‍, ന്യൂസ് തുടങ്ങിയവയെല്ലാം വാളില്‍ നിന്നും നീക്കം ചെയ്യാം.
