രക്തസമ്മര്‍ദ്ദവും ടെന്‍ഷനുമെന്ന് സ്വപ്ന; സന്ദീപിന് കരള്‍വീക്കം; കോടതിയില്‍ പ്രതികള്‍

കൊച്ചി: എന്‍ഐഎ കോടതിയില്‍ ആരോഗ്യപ്രശ്‌നങ്ങള്‍ ചൂണ്ടിക്കാട്ടി സ്വപ്‌ന സുരേഷും സന്ദീപ് നായരും. ജഡ്ജി പി കൃഷ്ണകുമാര്‍ എന്തെങ്കിലും പറയാനുണ്ടോയെന്ന് ചോദിച്ചപ്പോ!ഴായിരുന്നു ഇരുവരും ആരോഗ്യപ്രശ്‌നങ്ങള്‍ ചൂണ്ടിക്കാട്ടിയത്.

ഉയര്‍ന്ന രക്തസമ്മര്‍ദ്ദവും അമിത ടെന്‍ഷനും ഉണ്ടെന്നായിരുന്നു സ്വപ്‌നയുടെ മറുപടി. തനിക്ക് കരള്‍വീക്കമുണ്ടെന്ന് സന്ദീപും കോടതിയില്‍ പറഞ്ഞു. ഇരുവരെയും നിരീക്ഷണ കേന്ദ്രത്തിലേക്ക് മാറ്റുന്നതിന് മുമ്പ് മരുന്ന് ലഭ്യമാക്കാനും കോടതി ഉത്തരവിട്ടു. എന്‍ഐഎ കോടതി നടപടിക!ള്‍ അരമണിക്കൂറിനുളളില്‍ അവസാനിച്ചെങ്കിലും പ്രതികള്‍ക്ക് മരുന്ന് വാങ്ങാന്‍ പോലീസ് ഉദ്യോഗസ്ഥര്‍ പോയതാണ് നടപടിക്രമങ്ങള്‍ ഒരു മണിക്കൂറിലധികം വൈകാന്‍ കാരണം.

സ്വപ്‌നയെ തൃശൂരിലെ അമ്പിളിക്കല ഹോസ്റ്റലിലേക്കും സന്ദീപിനെ അങ്കമാലി കറുകുറ്റി സെന്ററിലേക്കുമാണ് മാറ്റിയത്. ഇതിന് മുമ്പായി മരുന്നുകള്‍ നല്‍കണമെന്ന് പ്രതികള്‍ ആവശ്യപ്പെടുകയായിരുന്നു. പ്രതികളുടെ കൊവിഡ് പരിശോധനാഫലം നെഗറ്റീവാണെന്ന് റിപ്പോര്‍ട്ട് വന്നിട്ടുണ്ട്. അതിനാല്‍ തിങ്കളാഴ്ച തന്നെ എന്‍ഐഎ നല്‍കിയ കസ്റ്റഡി അപേക്ഷ കോടതി പരിഗണിക്കും. പത്ത് ദിവസത്തെ കസ്റ്റഡിയാണ് ആവശ്യപ്പെട്ടിരിക്കുന്നത്.

അതേസമയം, കേസിലെ ഒന്നാം പ്രതിയായ സരിത്തിനെയും കള്ളക്കടത്തുമായി ബന്ധപ്പെട്ട് മലപ്പു!റത്ത് നിന്നും പിടികൂടിയ റെമീസിനെയും കൊച്ചിയിലെ കസ്റ്റംസ് ഓഫീസില്‍ ചോദ്യം ചെയ്തുവരികയാണ്. രാത്രി വൈകിയും എന്‍ഐഎ ഡിവൈഎസ്പി ഷൗക്കത്തലിയുടെ നേതൃത്വത്തിലും ഇവരെ ചോദ്യം ചെയ്തിരുന്നു. കൂടാതെ മറ്റൊരാളെ കൂടി കസ്റ്റംസ് കസ്റ്റഡിയിലെടുത്തിട്ടുണ്ട്. ഇയാളെക്കുറിച്ച് വ്യക്തമായ സൂചന ഇതുവരെയും ലഭ്യമായിട്ടില്ല.

SHARE