മാതാപിതാക്കളുമായും സഹോദരങ്ങളുമായും ലൈംഗികബന്ധം തെറ്റില്ല; യുക്തിവാദി സെമിനാറില്‍ പ്രഭാഷകന്‍

മാതാപിതാക്കളുമായും സഹോദരങ്ങളുമായും ലൈംഗികബന്ധമാവാമെന്നും അത് നിയമവിധേയമാക്കണമെന്നും കേരള യുക്തിവാദികള്‍. പ്രമുഖ യുക്തിവാദ പ്രചാരകന്‍ സി രവിചന്ദ്രന്റെ നേതൃത്വത്തില്‍ കോഴിക്കോട് നടന്ന ലിറ്റ്മസ്19 അന്താരാഷ്ട്ര സ്വതന്ത്രചിന്താ സെമിനാറിലാണ് ഇത്തരമൊരു വിചിത്ര വാദം ഉയര്‍ന്നത്. പരസ്പര സമ്മതമുണ്ടെങ്കില്‍ ആരുമായും ലൈംഗികബന്ധമാവാമെന്നാണ് വിഷയം അവതരിപ്പിച്ച ആലപ്പുഴ സ്വദേശി മനു പ്രസാദ് പറഞ്ഞത്.

‘സ്വതന്ത്ര ലൈംഗികത എന്നത് സ്വതന്ത്ര ചിന്താഗതിയുടെ ഒരു ഭാഗമാണ്. പരസ്പര സമ്മതത്തിന്റെ അടിസ്ഥാനത്തിലാണ് നമ്മള്‍ ലൈംഗികതയെ കാണുന്നത്. ഇത്തരം ലൈംഗികതയെ ഒരു കാരണവശാലും എതിര്‍ക്കേണ്ട കാര്യമില്ല. ഇന്‍സെസ്റ്റ് സെക്‌സ് (രക്തബന്ധുക്കളും കൂടെപ്പിറപ്പുകളും മക്കളും മാതാപിതാക്കളുമായുള്ള ലൈംഗികത) പോലും. അവര്‍ക്ക് അതില്‍ താല്‍പര്യമുണ്ടെങ്കില്‍ അത് ചെയ്യാം’ എന്നാണ് മനുവിന്റെ വാദങ്ങള്‍. ഇതിനെ പൊതുസമൂഹം എങ്ങനെ കാണുന്നു എന്ന് ചിന്തിച്ച് അതില്‍ മൗനം പാലിക്കുന്നതില്‍ അര്‍ഥമില്ലെന്നും മനു പറയുന്നു.

നേരത്തെ, നോര്‍വേയില്‍ നടന്ന ഒരു സംവാദത്തില്‍ പട്ടിയും പൂച്ചയുമായുമൊക്കെ ലൈംഗികബന്ധത്തില്‍ ഏര്‍പ്പെടുന്നതിനെ കുറിച്ച് ചോദിച്ചപ്പോള്‍, മൃഗത്തിന് വേദനിക്കുന്നില്ലെങ്കില്‍ അതും കുഴപ്പമില്ല എന്നായിരുന്നു സ്വതന്ത്രചിന്താ പ്രതിനിധിയുടെ വാദം. യുക്തിവാദവുമായി ബന്ധപ്പെട്ട് ‘വിസ്ഡം യൂത്ത്’ കഴിഞ്ഞദിവസം കണ്ണൂരില്‍ നടത്തിയ ‘ഡയലോഗ്’ പ്രോഗ്രാമില്‍ പ്രസ്തുത വിഷയം ഗൗരവകരമായി ഉയര്‍ത്തിക്കാട്ടിയതോടെയാണ് സാമൂഹ്യ മാധ്യങ്ങളിലടക്കം ഇത് വീണ്ടും ചര്‍ച്ചയായത്.

SHARE