അഷ്‌റഫ് വേങ്ങാട്ട്
റിയാദ്: സഊദിയില്‍ ഇന്ന് 8 പേര്‍ മരണപെട്ടതോടെ കോവിഡ് ബാധിച്ച് സഊദിയില്‍ ആകെ മരിച്ചവരുടെ എണ്ണം 184 ആയി. പുതുതായി 1552 പേര്‍ക്ക് രോഗബാധ കണ്ടെത്തിയതോടെ ആകെ രോഗബാധിതരുടെ എണ്ണം 27011 ആയതായും ആരോഗ്യ മന്ത്രാലയ വക്താവ് ഡോ . മുഹമ്മദ് അല്‍ അബ്ദുല്‍ അലി വാര്‍ത്താസമ്മേളനത്തില്‍ അറിയിച്ചു. ഇന്നലെ 365 പേര്‍ കൂടി രോഗമുക്തി നേടിയപ്പോള്‍ ഇതുവരെ 4134 പേര്‍ക്ക് രോഗം പൂര്‍ണ്ണമായി ഭേദമായി.നിലവില്‍ 22693 പേര്‍ വിവിധയിടങ്ങളിലായി ആസ്പത്രികളിലുണ്ട്. ഇവരില്‍ 139 പേരുടെ നില ഗുരുതരമായി തുടരുന്നതായും അദ്ദേഹം അറിയിച്ചു.
മേഖലാടിസ്ഥാനത്തില്‍ ഇന്ന് റിപ്പോര്‍ട്ട് ചെയ്തത്: ജിദ്ദ 245 , മക്ക 221 , ജുബൈല്‍ 156 , ദമ്മാം 150 , മദീന 139 , ബെയ്ശ് 111 , റിയാദ് 109 , സഫ്‌വ 109, താഇഫ് 68 , അല്‍കോബാര്‍ 66 , ഹുഫൂഫ് 55, ദഹ്‌റാന്‍ 32, അല്‍മജാരിദ 17 , സുല്‍ഫി 12 , അല്‍ഖര്‍ജ് 10, അല്‍ബാഹ 10 , ഖര്‍യത് അല്‍ഒലയ 7 , നാരിയ 6 , ഖതീഫ് 6 , ബീശ 5 , യാമ്പു 4 , ബുറൈദ 3 , ദിരിയ 3 , അല്‍മന്‍ദഖ് 2 , അദ്ഹം 1 , സല്‍വ 1 ,അല്‍ബുഖൈരിയ 1 , മജ്മ 1, റാബിഗ് 1, അല്‍റാസ് 1 , ബല്‍ജുര്‍ശി 1 എന്നിങ്ങനെയാണ് ഇന്ന് പ്രാദേശിക തലത്തില്‍ ആരോഗ്യ മന്ത്രാലയം സ്ഥിരീകരിച്ച കോവിഡ് ബാധ.ഫീല്‍ഡ് ടെസ്റ്റിംഗ് കുറെ കൂടി വ്യവസ്ഥാപിതമായി നടപ്പിലാക്കുമെന്നും വിവിധ പ്രവിശ്യകളില്‍ ലേബര്‍ ക്യാമ്പുകളും വീടുകളും കേന്ദ്രീകരിച്ചുള്ള മെഡിക്കല്‍ സംഘങ്ങളുടെ സ്‌കോഡ് വര്‍ക്ക് ഊര്‍ജ്ജിതമാക്കുമെന്നും ഡോ . മുഹമ്മദ് അല്‍ അബ്ദുല്‍ അലി പറഞ്ഞു.
