കിം ജോങ് ഉന്‍ മരിച്ചെന്ന് ചൈനീസ് മാധ്യമപ്രവര്‍ത്തകയും കോമയിലെന്ന് ജപ്പാനും

ബെയ്ജിങ്: ഉത്തര കൊറിയന്‍ ഏകാധിപതി കിം ജോങ് ഉന്‍ മരിച്ചതായി ചൈനീസ് മാധ്യമപ്രവര്‍ത്തക സമൂഹമാധ്യമത്തിലൂടെ അറിയിച്ചു. ഹോങ്കോങ് സാറ്റലൈനറ്റ് ടെലിവിഷന്റെ വൈസ് ഡയറക്ടറായ ഷിജിയാന്‍ ഷിങ്‌സോയാണ് ചൈനീസ് സോഷ്യല്‍ മീഡിയയായ വെയ്‌ബോയിലൂടെ വിവരം പുറത്തുവിട്ടത്. 36കാരനായ ഉത്തര കൊറിയന്‍ നേതാവ് മരിച്ചെന്ന് വ്യക്തമായ തെളിവുകള്‍ ലഭിച്ചതായാണ് ഇവര്‍ അവകാശപ്പെട്ടത്

വെയ്‌ബോയില്‍ 15 ദശലക്ഷം ആളുകള്‍ പിന്തുടരുന്ന മാധ്യമപ്രവര്‍ത്തകയാണ് ഷിജിയാന്‍ ഷിങ്‌സോ. ചൈനീസ് വിദേശകാര്യ മന്ത്രിമാരില്‍ ഒരാളുടെ അനന്തരവളുമാണ് ഇവര്‍. നേരത്തെ, ഉന്നിന് മസ്തിഷ്‌ക മരണം സംഭവിച്ചുവെന്ന രീതിയില്‍ വാര്‍ത്തകള്‍ പുറത്തുവന്നിരുന്നു. എന്നാല്‍ ഇത് നിഷേധിച്ച് ഉത്തരകൊറിയയും രംഗത്തെത്തിയിരുന്നു.

അതേസമയം, കിം ജോങ് ഉന്നിന്റെ ആരോഗ്യസ്ഥിതി അതീവ ഗുരുതരമാണെന്ന് ജാപ്പനീസ് മാധ്യമങ്ങള്‍ റിപ്പോര്‍ട്ട് ചെയ്തു. ഉത്തര കൊറിയന്‍ പ്രസിഡന്റ് ശസ്ത്രക്രിയക്ക് ശേഷം കോമിയലായതെന്നാണ് റിപ്പോര്‍ട്ടില്‍ പറയുന്നു.

ഏപ്രില്‍ 12ന് ഹൃദയശസ്ത്രക്രിയക്ക് വിധേനായ കിം ജോങ് ഉന്‍ ഗുരുതരാവസ്ഥയിലാണെന്ന് ദക്ഷിണ കൊറിയന്‍ വെബ്‌സൈറ്റായ ഡെയിലി എന്‍കെയാണ് കഴിഞ്ഞയാഴ്!ച റിപ്പോര്‍ട്ട് ചെയ്തത്. തുടര്‍ന്ന് യുഎസ് മാധ്യമങ്ങളും കിം ഗുരുതരാവസ്ഥയിലാണെന്ന് റിപ്പോര്‍ട്ട് ചെയ്തിരുന്നു. കിമ്മിന്റെ ആരോഗ്യം സംബന്ധിച്ച വാര്‍ത്തകളില്‍ ചൈനയും ദക്ഷിണ കൊറിയയും സംശയം പ്രകടിപ്പിച്ചിരുന്നു. ചൈനീസ് കമ്മ്യൂണിസ്റ്റ് പാര്‍ട്ടിയുടെ ഉന്നതനടക്കമുള്ള ചൈനീസ് സംഘം വ്യാഴാഴ്ച ഉത്തര കൊറിയയിലേക്ക് പോയിരുന്നു.