ഗോവ മുഖ്യമന്ത്രി മനോഹര്‍ പരീക്കറെ സന്ദര്‍ശിച്ച് രാഹുല്‍ഗാന്ധി

പനാജി: ഗോവ മുഖ്യമന്ത്രി മനോഹര്‍ പരീക്കറെ സന്ദര്‍ശിച്ച് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. ഗോവ നിയമസഭാ മന്ദിരത്തില്‍ വെച്ചാണ് ഇരുവരും തമ്മില്‍ കണ്ടത്. കോണ്‍ഗ്രസ് എംഎല്‍എമാരുടെ യോഗത്തില്‍ പങ്കെടുക്കാന്‍ ഗോവയില്‍ എത്തിയതായിരുന്നു രാഹുല്‍ ഗാന്ധി.

ഗോവ മുഖ്യമന്ത്രി, മനോഹര്‍ പരീക്കറെ സന്ദര്‍ശിച്ചതായും അതൊരു സ്വകാര്യ സന്ദര്‍ശനമായിരുന്നെന്നും രാഹുല്‍ ഗാന്ധി പറഞ്ഞു. വേഗത്തിലുള്ള അദ്ദേഹത്തില്‍ രോഗ ശമനത്തിനായി ആഗ്രഹിക്കുന്നതായും രാഹുല്‍ പറഞ്ഞു.

ഉച്ചക്ക് ശേഷം കൊച്ചിയിലേക്ക് തിരിക്കും കേരളത്തില്‍ നിന്നുള്ള മുഴുവന്‍ പോളിംഗ് ബൂത്ത് കമ്മിറ്റി അംഗങ്ങളെ ഞാന്‍ അഭിസംബോധന ചെയ്തു സംസാരിക്കും.

ഇന്നലെ റഫേല്‍ ഇടപാടില്‍ പരീക്കറിനെതിരെ ശക്തമായ വിമര്‍ശനം രാഹുല്‍ ഉയര്‍ത്തിയിരുന്നു. ഇതിനു പിന്നാലെയാണ് ഇരുവരും തമ്മിലുള്ള കൂടിക്കാഴ്ച്ച. അര്‍ബുദ ബാധിതനായി ഏറെക്കാലമായി ചികിത്സയിലുള്ള മനോഹര്‍ പരീക്കര്‍ ഈ അടുത്ത കാലത്താണ് ഓഫീസ് ചുമതലകളില്‍ വീണ്ടും സജീവമായത്.

SHARE