ജാര്‍ഖണ്ഡില്‍ ഗര്‍ഭിണിയായ സ്ത്രീക്ക് അനുഭവിക്കേണ്ടി വന്നത് ക്രൂരത. കൊറോണ വൈറസ് പടര്‍ത്തുന്നു എന്നാരോപിച്ചാണ് ജംഷദ്പൂരിലെ ആശുപത്രി അധികൃതരുടെ ക്രൂരത. രക്തസ്രാവത്തെ തുടര്‍ന്ന് ആശുപത്രിയിലേക്ക് പോയ യുവതിയെ തറയിലായ രക്തം വൃത്തിയാക്കാന്‍ ആശുപത്രി അധികൃതര്‍ നിര്‍ബന്ധിക്കുകയായിരുന്നു. 30 കാരിയായ റിസ്വാന ഖാത്തുനാണ് ഈ ദുരനുഭവം ഉണ്ടായത്. വ്യാഴാഴ്ച ജംഷദ്പൂരിലെ ആശുപത്രിയില്‍ രക്തസ്രാവം അനുഭവപ്പെട്ടതിനെ തുടര്‍ന്ന് എത്തിയ തന്നെ മതത്തിന്റെ പേരില്‍ അപമാനിച്ചതായും രക്തം തുടയ്ക്കാന്‍ ആവശ്യപ്പെട്ടതായും യുവതി പറഞ്ഞു.
A woman pregnant & bleeding, came to a Jamshedpur hospital, was allegedly asked to clean up her blood, accused of spreading coronavirus, which led to loss of her unborn child. NCW has written to Chief Secretary @JharkhandCMO for strict action.
— NCW (@NCWIndia) April 19, 2020
Read: https://t.co/1NssnRhrQh
യുവതിയെ ആശുപത്രി അധികൃതര്‍ പരിപാലിക്കാത്തതിനെ തുടര്‍ന്ന് ഗര്‍ഭിണിക്ക് കുഞ്ഞിനെ നഷ്ടമായി. എന്നാല്‍ അധികൃതരുടെ നടപടിക്കെതിരെ ദേശീയ വനിതാ കമ്മീശന്‍ രംഗത്തെത്തി. അധികൃകര്‍ക്കെതിരെ കര്‍ശന നടപടിയുണ്ടാകണമെന്നും ഇനി ഒരു ഗര്‍ഭിണിക്കും ഇതുപോലെ ഒരു സാഹചര്യം ഉണ്ടാവരുതെന്നും കമ്മീഷന്‍ അഭിപ്രായപ്പെട്ടു.
