ഉള്ളിവിലക്ക് സഡന്‍ ബ്രേക്ക്; സംസ്ഥാനത്ത് ഉള്ളിവില കുത്തനെ കുറഞ്ഞു

കൊച്ചി: സംസ്ഥാനത്തെ വിപണികളില്‍ കുതിച്ചുയര്‍ന്ന ഉള്ളിവില കുറയുന്നു. മൊത്തവ്യാപാരത്തില്‍ കിലോയ്ക്ക് 40 രൂപ കുറഞ്ഞ് വില നൂറു രൂപയിലെത്തി. വരും ദിവസങ്ങളിലും വിലക്കുറവ് ഉണ്ടാകുന്നതോടെ വിപണി ഉഷാറാകുമെന്ന കണക്കുകൂട്ടലിലാണ് വ്യാപാരികള്‍.

ഉള്ളിയുടെ വില കിലോയ്ക്ക് 100 രൂപയായാണ് കുറഞ്ഞത്. ഒറ്റയടിക്ക് 40 രൂപയാണ് കുറഞ്ഞത്. പുണെയില്‍ നിന്നുള്ള കൂടുതല്‍ ലോറികള്‍ എത്തിയതോടെയാണ് വിലയില്‍ കുറവുണ്ടായത്. രണ്ടു ദിവസത്തിനകം കിലോയ്ക്ക് 60 രൂപയിലെത്തുമെന്നാണ് കച്ചവടക്കാരുടെ പ്രതീക്ഷ.

കച്ചവടക്കാരെ മാത്രമല്ല, ഹോട്ടല്‍ അടക്കമുള്ള അനുബന്ധ വ്യവസായികളെയും വിലക്കയറ്റം നന്നായി ബാധിച്ചിരുന്നു. വിലക്കയറ്റം പിടിച്ചുനിര്‍ത്താന്‍ ഉള്ളി ഇറക്കുമതി ചെയ്യാനും കേന്ദ്രസര്‍ക്കാര്‍ കഴിഞ്ഞ ദിവസം തീരുമാനിച്ചിരുന്നു. ഈ ഉള്ളി കൂടി എത്തുന്നതോടെ വില സാധാരണനിലയില്‍ എത്തുമെന്നാണ് കണക്കുകൂട്ടല്‍.

SHARE