‘ഡയാന രാജകുമാരിയെ കൊന്നത് ബ്രിട്ടീഷ് ഭരണകൂടത്തിനു വേണ്ടി’; രഹസ്യം വെളിപ്പെടുത്തി മുന്‍ ബ്രിട്ടീഷ് ഏജന്റ്

ലണ്ടന്‍: ഡയാന രാജകുമാരിയുടെ മരണത്തില്‍ പുതിയ വെളിപ്പെടുത്തലുമായി മുന്‍ ബ്രിട്ടീഷ് ഏജന്റ് ജോണ്‍ ഹോപ്കിന്‍സ്. ബ്രിട്ടീഷ് ഇന്റലിജന്‍സ് ഏജന്‍സിക്കു വേണ്ടി താനാണ് ഡയാന രാജകുമാരിയെ കൊലപ്പെടുത്തിയതെന്ന് ജോണ്‍ വ്യക്തമാക്കി.

ബ്രിട്ടീഷ് രാജകുടുംബം നല്‍കിയ ഉത്തരവിന്റെ അടിസ്ഥാനത്തിലാണ് അവരെ കൊന്നത്. ഏഴംഗ സംഘമാണ് ഭരണകൂടത്തിനു വേണ്ടി രഹസ്യ കൊലപാതകം നടത്തിയതെന്നാണ് ജോണിന്റെ വെളിപ്പെടുത്തല്‍.

ബ്രിട്ടീഷ് ചാരസംഘടനയായ എംഐ-5ല്‍ 35 വര്‍ഷം ജോലി ചെയ്ത വ്യക്തിയാണ് ജോണ്‍.

1973-1999 കാലഘട്ടത്തിനിടെ രാജകുടുംബത്തിന്റെ നിര്‍ദേശപ്രകാരം താന്‍ 23 പേരെ കൊന്നതായും ജോണ്‍ വ്യക്തമാക്കി. ഇതിലെ ഏക വനിതയും രാജകുടുംബാംഗവും ഡയാന രാജകുമാരിയായിരുന്നുവെന്നും ജോണ്‍ വെളിപ്പെടുത്തി.

fb2c0c7d49141415b740b209eefa5dd4

‘അത്തരമൊരു മരണം ഡയാന രാജകുമാരി അര്‍ഹിച്ചിരുന്നില്ല. രാജകുടുംബത്തിന് അവര്‍ ഭീഷണിയായിരുന്നു. ഡയാനക്ക് പല രാജകുടുംബ രഹസ്യങ്ങളും അറിയാമായിരുന്നു.

അവര്‍ അത് പരസ്യപ്പെടുത്തുമെന്ന് രാജകുടുംബം ഭയപ്പെട്ടിരുന്നു. അതിനാല്‍ കൊല്ലണമെന്ന് ഫിലിപ്പ് രാജകുമാരന്‍ നേരിട്ട് ഉത്തരവിടുകയായിരുന്നു.

പിന്നീട് അത് അപകടമരണമാക്കാന്‍ തീരുമാനിച്ചു. രാജ്യത്തിനും കൊട്ടാരത്തിനും വേണ്ടിയാണ് ഞാന്‍ അത് ചെയ്തത്.’-ജോണ്‍ പറഞ്ഞു.

വെളിപ്പെടുത്തല്‍ മരണക്കിടക്കയില്‍

മരണക്കിടക്കയില്‍ കഴിയുന്ന ജോണിന് ഡോക്ടര്‍മാര്‍ മൂന്നാഴ്ചത്തെ ആയുസ്സ് മാത്രമാണ് പറഞ്ഞത്. ഇതോടെയാണ് ഇദ്ദേഹം സുപ്രധാന വെളിപ്പെടുത്തല്‍ നടത്താന്‍ തയാറായത്.

SHARE