പെരിന്തല്‍മണ്ണ: ഭര്‍ത്താവിനെയും രണ്ടുമക്കളെയും ഉപേക്ഷിച്ചു കാമുകനൊപ്പം പോയ സ്ത്രീയെയും യുവാവിനെയും പെരിന്തല്‍മണ്ണ പൊലീസ് അറസ്റ്റ് ചെയ്തു. ഏഴും പതിനൊന്നും വയസ്സുള്ള മക്കളെ ഉപേക്ഷിച്ചാണ് 28 വയസ്സുള്ള യുവതി 29 കാരനായ കാമുകനൊപ്പം പോയത്. യുവാവ് അവിവാഹിതനാണ്. കഴിഞ്ഞ നവംബര്‍ 7ന് ഉച്ചയ്ക്ക് 1.30ന് ആണ് യുവതി വീട്ടില്‍നിന്ന് ഇറങ്ങിയത്.
ഭര്‍ത്താവിന്റെ പരാതിയില്‍ പൊലീസ് നടത്തിയ അന്വേഷണത്തില്‍ വയനാട് ബത്തേരി ബീനാച്ചിയില്‍ വാടക ക്വാര്‍ട്ടേഴ്‌സില്‍ കാമുകനുമൊന്നിച്ചു താമസിക്കുന്നതായി കണ്ടെത്തി. യുവതിക്കെതിരെ മക്കളെ ഉപേക്ഷിച്ചെന്ന കുറ്റവും യുവാവിനെതിരെ ഉപേക്ഷിക്കാന്‍ പ്രേരിപ്പിച്ചെന്ന കുറ്റവും ഉള്‍പ്പെടെയുള്ള വകുപ്പുകള്‍ ചുമത്തിയാണ് കേസ്. പെരിന്തല്‍മണ്ണ കോടതി ഇരുവരെയും റിമാന്‍ഡ് ചെയ്തു.
