രാജ്യത്തിന്റെ കണ്ണുകള്‍ സാകൂതം ഉറ്റുനോക്കിയ കര്‍ണാടക നിയമസഭയിലെ ‘അവിശ്വാസ’ നാടകത്തിന് യെദ്യൂരപ്പയുടെ രാജിയോടെ അന്ത്യമായപ്പോള്‍ മതേതര, ജനാധിപത്യ ക്യാമ്പില്‍ ആശ്വാസവും ആഹ്ലാദവും. രാഷ്ട്രീയ നേതാക്കളും പ്രവര്‍ത്തകരും സാമൂഹ്യപ്രവര്‍ത്തകരും മാധ്യമപ്രവര്‍ത്തകരുമെല്ലാം ജെ.ഡി.എസ് – കോണ്‍ഗ്രസ് സഖ്യത്തിന്റെ വിജയത്തില്‍ സന്തോഷം പങ്കുവെച്ചു. പ്രമുഖരുടെ പ്രതികരണം:
പ്രകാശ് രാജ്
കര്‍ണാടക കാവിയണിയാന്‍ പോകുന്നില്ല, ഇനിയും ബഹുവര്‍ണത്തില്‍ തുടരും. കളി തുടങ്ങുംമുമ്പേ അവസാനിച്ചു. 55 മണിക്കൂര്‍ പോലും പിടിച്ചുനില്‍ക്കാന്‍ കഴിഞ്ഞില്ല. തമാശകള്‍ക്കപ്പുറം… പ്രിയപ്പെട്ട പൗരന്മാര്‍, ഇനി കൂടുതല്‍ ചെളിനിറഞ്ഞ രാഷ്ട്രീയത്തിനായി കാത്തിരിക്കുക. ഞാന്‍ ഇനിയും പൗരന്മാര്‍ക്കൊപ്പം നില്‍ക്കും. ചോദ്യങ്ങള്‍ ചോദിച്ചുകൊണ്ടേയിരിക്കും.
KARNATAKA is not going to be SAFFRON…but will continue to be COLOURFUL….Match over before it began…forget 56 couldn’t hold on for 55 hours..jokes apart…dear CITIZENS now get ready for more muddy politics..will continue to stand for the CITIZENS and CONTINUE #justasking..
— Prakash Raj (@prakashraaj) May 19, 2018
സീതാറാം യെച്ചൂരി
ബി.ജെ.പിയുടെ അഴിമതി നിറഞ്ഞ ക്രിമിനല്‍ മാതൃക വീഴ്ത്തപ്പെട്ടിരിക്കുന്നു. സര്‍ക്കാര്‍ രൂപീകരിക്കാന്‍ ബി.ജെ.പിയെ ക്ഷണിച്ച ഗവര്‍ണറുടെ നടപടി വഞ്ചനയും ഭരണഘടനാ വിരുദ്ധവുമാണെന്ന് ഇത് തെളിയിക്കുന്നു.
The corrupt and criminal designs of the BJP have been defeated. This shows the Governor’s decision to invite the BJP to form a government was malafide and against his constitutional mandate. #Karnataka
— Sitaram Yechury (@SitaramYechury) May 19, 2018
പി. ചിദംബരം
സഭാനടപടികള്‍ തത്സമയം രാജ്യം കാണുകയും ഓരോ പൗരനും പ്രോടേം സ്പീക്കര്‍ ആവുകയും ചെയ്തപ്പോള്‍ കര്‍ണാടകയില്‍ ജനാധിപത്യം രക്ഷിക്കപ്പെട്ടിരിക്കുന്നു.
With the proceedings live and every citizen becoming a pro tem Speaker, democracy in Karnataka was saved — for the time bring.
— P. Chidambaram (@PChidambaram_IN) May 19, 2018
അരവിന്ദ് കേജ്രിവാള്‍
ജനാധിപത്യം അട്ടിമറിക്കാനുള്ള ശ്രമം കര്‍ണാടകയില്‍ പരാജയപ്പെട്ടിരിക്കുന്നു. തെറ്റായ മാര്‍ഗങ്ങളിലൂടെ അധികാരം നേടാനുള്ള ബി.ജെ.പിയുടെ ആസക്തി തുറന്നുകാട്ടപ്പെട്ടിരിക്കുന്നു. ഇനിയെങ്കിലും ബി.ജെ.പി പാഠം പഠിക്കുമോ? ഇന്ത്യന്‍ ജുഡീഷ്യറി അവസരത്തിനാത്തുയരുകയും ജനാധിപത്യത്തെ സംരക്ഷിക്കുകയും ചെയ്തു.
BJP’s attempts to subvert democracy have miserably failed in Karnataka. BJP’s lust for power through foul means stands completely exposed. Will BJP learn any lesson now ?
India’s judiciary has risen to the occasion and has safeguarded our democracy.
— Arvind Kejriwal (@ArvindKejriwal) May 19, 2018
ഡെരക് ഒബ്രെയ്ന്‍ (സി.പി.എം നേതാവ്)
സുപ്രീം കോടതിയാണ് മാന്‍ ഓഫ് ദി മാച്ച്. ഗവര്‍ണര്‍ വര്‍ഷത്തെ (അല്ലെങ്കില്‍ പതിറ്റാണ്ടിലെ) വില്ലനും.
Supreme Court is Man of the Match. Governor is Villain of the Year (or decade) #KarnatakaFloorTest
— Derek O’Brien (@derekobrienmp) May 19, 2018
ബര്‍ഖ ദത്ത് (മാധ്യമപ്രവര്‍ത്തക)
ഞാന്‍ രവിശാസ്ത്രിയായിരുന്നെങ്കില്‍ എനിക്ക് പറയാനുള്ളത് ഇങ്ങനെയാണ്: ജനാധിപത്യം വിജയിച്ചിരിക്കുന്നു, പരമ്പരയിലെ താരങ്ങള്‍ സുപ്രീംകോടതി ജഡ്ജിമാരാണ്.
Now if I were Ravi Shastri I would say Democracy Won and say the men of the series are the justices of the supreme Court ! #KarnatakaFloorTest
— barkha dutt (@BDUTT) May 19, 2018
സഞ്ജയ് ഹെഗ്‌ഡെ (കോളമിസ്റ്റ്)
കര്‍ണാടക പരീക്ഷണത്തില്‍ ആരൊക്കെ ജയിച്ചാലും തോറ്റാലും ഒരു കാര്യം അപ്രത്യക്ഷമായിരിക്കുന്നു: മോദി-ഷാ കൂട്ടുകെട്ട് അപരാജിതരാണെന്ന ധാരണ.
Whoever and whatever won or lost today in #KarnatakaFloorTest, one thing disappeared; the air of invincibility of the Modi-Shah duo
— SANJAY HEGDE (@sanjayuvacha) May 19, 2018
ചേതന്‍ ഭഗത്
തിരശ്ശീലക്കു പിന്നിലായിരുന്നുവെങ്കിലും കര്‍ണാടക പരീക്ഷണം രാഹുല്‍ ഗാന്ധിയുടെ വിജയമാണെന്ന് സമ്മതിക്കേണ്ടിയിരിക്കുന്നു. ഉടമ്പടികളും തെരഞ്ഞെടുപ്പിനു ശേഷമുള്ള ക്രയവിക്രയങ്ങളും രാഷ്ട്രീയത്തിലെ പ്രധാന ഭാഗമാണ്. കോണ്‍ഗ്രസ് അത് നന്നായി ചെയ്തിരിക്കുന്നു.
Even though he may have been behind the scenes, one has to admit the #KarnatakaFloortest was a test and hence is a victory for Rahul Gandhi. Negotiations and post poll management is an important part of politics, and Cong played it v well.
— Chetan Bhagat (@chetan_bhagat) May 19, 2018
