ചണ്ഡീഗഡ്: ഡല്‍ഹി കലാപത്തിന് ആഹ്വാനം ചെയ്ത ബി.ജെ.പി നേതാക്കള്‍ക്കെതിരെ കേസെടുക്കാന്‍ ഉത്തരവിട്ടതിന് സ്ഥലം മാറ്റപ്പെട്ട ജസ്റ്റിസ് മുരളീധര്‍ വീണ്ടും വ്യതസ്തമായ ഉത്തരവിലൂടെ ശ്രദ്ധേയനാവുന്നു. തന്നെ ‘മൈ ലോര്‍ഡ്’ എന്നോ യുവര്‍ ‘ലോര്‍ഡ് ഷിപ്പ്’ എന്നോ അഭിസംബോധന ചെയ്യരുതെന്നാണ് അഭിഭാഷകര്‍ക്കുള്ള ജസ്റ്റിസ് മുരളീധറിന്റെ പുതിയ നിര്‍ദേശം.
‘ ബഹുമാന്യനായ ജസ്റ്റിസ് എസ്. മരളീധര്‍ ഒരു അഭ്യര്‍ഥന നടത്തിയിട്ടുണ്ട്. ബാര്‍ അംഗങ്ങള്‍ അദ്ദേഹത്തെ ‘മൈലോര്‍ഡ്’, ‘യുവര്‍ ലോര്‍ഡര്‍ഷിപ്പ് ‘ എന്നിങ്ങനെ അഭിസംബോധന ചെയ്യുന്നത് ഒഴിവാക്കാന്‍ ശ്രമിക്കണം’ പഞ്ചാബ്, ഹരിയാന ഹൈക്കോടതി തിങ്കളാഴ്ച കുറിപ്പിലൂടെ അറിയിച്ചു.
ഏതാനും വര്‍ഷങ്ങള്‍ക്കുമുമ്പ്, ചണ്ഡിഗഡിലെ ഹൈക്കോടതി ബാര്‍ അസോസിയേഷന്‍ അംഗങ്ങളോട് ജഡ്ജിമാരെ ‘സര്‍’ അല്ലെങ്കില്‍ ‘യുവര്‍ ഓണര്‍’എന്ന് അഭിസംബോധന ചെയ്താല്‍ മതിയെന്ന് അഭിപ്രായപ്പെട്ടിരുന്നുവെങ്കിലും ഇപ്പോഴും ‘മൈ ലോര്‍ഡ്’, ‘യുവര്‍ ലോര്‍ഡ്ഷിപ്പ്’ എന്നിങ്ങനെയുള്ള അഭിസംബോധന തുടരുകയാണ്. മാര്‍ച്ച് ആറാം തിയതിയാണ് ജസ്റ്റിസ് മുരളീധര്‍ പഞ്ചാബ്, ഹരിയാന ഹൈക്കോടതി ജഡ്ജായി ചുമതലയേറ്റത്.
