മഹാരാഷ്ട്ര, ഹരിയാന തെരഞ്ഞെടുപ്പുകള്‍ക്ക് പിന്നാലെ ബിജെപിക്ക് ഭീഷണിയായി ജാര്‍ഖണ്ഡ് തെരഞ്ഞെടുപ്പ്; മുഖ്യ എതിരാളികളായി കോണ്‍ഗ്രസും ജെഎംഎമ്മും

ജാര്‍ഖണ്ഡ് നിയമസഭാ തെരഞ്ഞെടുപ്പിന്റെ തീയതികള്‍ പ്രഖ്യാപിച്ചു. അഞ്ച് ഘട്ടമായാണ് തിരഞ്ഞെടുപ്പ് നടക്കുക. നവംബര്‍ 30 നാണ് ഒന്നാംഘട്ടം നടക്കുക. ഡിസംബര്‍ ഏഴിന് രണ്ടാം ഘട്ടവും 12 ന് മൂന്നാം ഘട്ടവും 16 ന് നാലാം ഘട്ടവും 20 ന് അഞ്ചാം ഘട്ടവും നടക്കും. ഡിസംബര്‍ 23 നാണ് വോട്ടെണ്ണല്‍.

എജെഎസ്‌യു-ബിജെപി സഖ്യമാണ് ജാര്‍ഖണ്ഡില്‍ അധികാരത്തിലുള്ളത്. മഹാരാഷ്ട്ര, ഹരിയാന തെരഞ്ഞെടുപ്പുകളില്‍ വേണ്ടത്ര മികവ് തെളിയിക്കാന്‍ ബിജെപിക്ക് കഴിഞ്ഞിരുന്നില്ല. ഇവിടങ്ങളില്‍ കോണ്‍ഗ്രസിന് മുന്നേറ്റം നേടാന്‍ സാധിച്ചതും ബിജെപി നേതൃത്വത്തെ അസ്വസ്ഥമാക്കിയിട്ടുണ്ട്. ഇത് രഘുബര്‍ദാസ് സര്‍ക്കാറിന് വെല്ലുവിളിയുയര്‍ത്തുന്നുണ്ട്. കോണ്‍ഗ്രസും ഷിബു സോറന്റെ ജെഎംഎമ്മുമാണ് മുഖ്യ പ്രതിപക്ഷ കക്ഷികള്‍. ജനുവരി അഞ്ചിനാണ് നിലവിലുള്ള നിയമസഭയുടെ കാലാവധി അവസാനിക്കുക. നക്‌സല്‍ ബാധിത മേഖലയായ ജാര്‍ഖണ്ഡില്‍ വലരെ ക്രമീകരത്തോടെയാണ് തെരഞ്ഞെടുപ്പ് നടക്കുക

SHARE