ഇന്റര്‍പോള്‍ മേധാവിയുടെ തിരോധാനം: ചൈനയോട് വിശദീകരണം തേടി

പാരിസ്: ഇന്റര്‍പോള്‍ മേധാവി മെംഗ് ഹോംഗ്‌വെയിയുടെ തിരോധാനത്തില്‍ ദുരൂഹത തുടരുന്നു. ഇതുസംബന്ധിച്ച് ചൈനയോട് ഇന്റര്‍പോള്‍ വിശദീകരണം തേടി.

ചൈനീസ് സ്വദേശിയായ മെംഗിനെ കഴിഞ്ഞ മാസം അവസാനം ഫ്രാന്‍സില്‍ നിന്നു ചൈനയിലേക്ക് പോയതിനു ശേഷം കാണാതാവുകയായിരുന്നു. മെംഗിന്റെ ഭാര്യ പൊലീസിനു പരാതി നല്‍കിയതോടെയാണ് വിവരം പുറത്തറിയുന്നത്.

മെംഗ് ചൈനയിലെത്തിയ ഉടന്‍ ചോദ്യം ചെയ്യലിനായി അച്ചടക്ക സമിതി കസ്റ്റഡിയിലെടുത്തുവെന്നാണ് മാധ്യമങ്ങള്‍ റിപ്പോര്‍ട്ട് ചെയ്യുന്നത്.

SHARE