തിരുവനന്തപുരം: നാലാം ദിവസത്തിലേക്ക് കടക്കുന്ന രാജ്യാന്തര ചലച്ചിത്രമേള പ്രേക്ഷകപങ്കാളിത്തം കൊണ്ട് ശ്രദ്ധേയമാകുന്നു. പാം ഡി ഓര്‍ ഉള്‍പ്പടെ വിവിധ മേളകളില്‍ നിന്നായി 15 ലധികം പുരസ്‌കാരങ്ങള്‍ സ്വന്തമാക്കിയ ദക്ഷിണ കൊറിയന്‍ ചിത്രം ‘പാരസൈറ്റാണ് ഇന്നലത്തെ പ്രധാന ആകര്‍ഷണം.
കാലിഡോസ്‌കോപ്പ് വിഭാഗത്തില്‍ പ്രദര്‍ശിപ്പിച്ച ഗീതു മോഹന്‍ദാസ് ചിത്രം മൂത്തോനും ശ്രദ്ധ പിടിച്ചുപറ്റി. മത്സര വിഭാഗത്തിലെ മലയാള ചിത്രമായ ആര്‍കെ കൃഷ്ണാന്ദിന്റെ വൃത്താകൃതിയിലുള്ള ചതുരത്തിന്റെ ആദ്യ പ്രദര്‍ശനത്തിനും തിക്കുംതിരക്കുമായിരുന്നു. കേരളത്തില്‍ രാഷ്ട്രീയ കോളിളക്കം സൃഷ്ടിച്ച ഉദയകുമാര്‍ ഉരുട്ടിക്കൊലക്കേസ് ആധാരമാക്കി ആനന്ദ് നാരായണ്‍ മഹാദേവന്‍ സംവിധാനം ചെയ്ത മറാത്തി ചിത്രം മായി ഘട്ട് െ്രെകം നമ്പര്‍ 103/2005 എന്ന ചിത്രം കാണാനും പ്രേക്ഷകരുടെ തള്ളിച്ച ഉണ്ടായി. ചിത്രത്തില്‍ ഉദയന്റെ അമ്മ പ്രഭാവതിയമ്മയെ അനശ്വരമാക്കിയ ഉഷാ ജാദവിന് ഗോവന്‍ മേളയില്‍ മികച്ച നടിക്കുള്ള രജത ചകോരം ലഭിച്ചിരുന്നു. സിംഗപ്പൂര്‍ ദക്ഷിണ ഏഷ്യന്‍ രാജ്യാന്തര ചലച്ചിത്ര മേളയിലെ മികച്ച ചലച്ചിത്രത്തിനുള്ള പുരസ്‌കാരവും ചിത്രം നേടിയിട്ടുണ്ട്. ടു ബാര്‍ വണ്‍, മൈ ന്യൂഡിറ്റി മീന്‍സ് നത്തിംഗ്, ഹാപ്പി എന്‍ഡ് എന്നീ ചിത്രങ്ങളും ഇന്നലെ പ്രദര്‍ശിപ്പിച്ചു. ലോകത്തിന്റെ വൈവിധ്യം അടയാളപ്പെടുത്തുന്ന 63 ചിത്രങ്ങളാണ് ഇന്ന് പ്രദര്‍ശിപ്പിക്കുന്നത്. ദക്ഷിണ കൊറിയയില്‍ തരംഗമായ സസ്‌പെന്‍സ് ത്രില്ലര്‍ ഡോര്‍ ലോക്ക്, സൊളാനസിന്റെ സൗത്ത്,ടോം വാലറിന്റെ ദ കേവ്,1982, ദ ഹോള്‍ട്ട്, ഹവ്വാ മറിയം ആയിഷ, വേര്‍ഡിക്റ്റ്, ആദം, ബലൂണ്‍ എന്നീ ചിത്രങ്ങളുടെ പ്രദര്‍ശനവും ഇന്നുണ്ടാകും. മിഡ്‌നൈറ്റ് സ്‌ക്രീനിങ്ങില്‍ ഡോര്‍ലോക്കിന്റെ മേളയിലെ ഏക പ്രദര്‍ശവും ഇന്നാണ്. നിശാഗന്ധിയിലാണ് ഈ ചിത്രത്തിന്റെ പ്രദര്‍ശനം. ഏകാകിയായ ക്യുങ് മിന്റെ അപ്പാര്‍ട്ട്‌മെന്റെില്‍ ഒരു അപരിചിതന്‍ നടത്തുന്ന കൊലപാതകമാണ് ചിത്രത്തിന്റെ ഇതിവൃത്തം. ലീ ക്വാണ്‍ ആണ് ഈ ഹൊറര്‍ ത്രില്ലറിന്റെ സംവിധായകന്‍.
ഫാഹിം ഇര്‍ഷാദിന്റെ ആനി മാനി, അശ്‌വിന്‍ കുമാറിന്റെ നോ ഫാദേഴ്‌സ് ഇന്‍ കാശ്മീര്‍, സെസാര്‍ ഡയസ് സംവിധാനം ചെയ്ത അവര്‍ മദേര്‍സ്, യാങ് പിംഗ് ഡാവോയുടെ മൈ ഡിയര്‍ ഫ്രണ്ട് എന്നീ മത്സര ചിത്രങ്ങളുടെ ആദ്യ പ്രദര്‍ശനവും ദേ സെ നതിങ് സെസ് ദി സെയിം, ഹോസെ മരിയ കബ്രാലിന്റെ ദി പ്രോജക്ഷനിസ്‌റ്, മൈക്കിള്‍ ഐഡോവിന്റെ ദ ഹ്യൂമറിസ്റ്റ് , വൃത്താകൃതിയിലുള്ള ചതുരം എന്നീ മത്സരചിത്രങ്ങളുടെ പുനഃ പ്രദര്‍ശനവും ഇന്നുണ്ടാകും.ലോകസിനിമാ വിഭാഗത്തില്‍ മുപ്പത്തിയഞ്ചു ചിത്രങ്ങളും, മലയാള സിനിമ ഇന്നില്‍ അനുരാജ് മനോഹറിന്റെ ഇഷ്‌ക്ക്, പ്രിയനന്ദനന്റെ സൈലെന്‍സര്‍, മധു സി നാരായണന്റെ കുമ്പളങ്ങി നൈറ്റ്‌സ്, സലിം അഹമ്മദിന്റെ ആന്‍ഡ് ദി ഓസ്‌കാര്‍ ഗോസ് ടു, ശ്യാമപ്രസാദിന്റെ ഒരു ഞായറാഴ്ച്ച, ജയരാജ് സംവിധാനം ചെയ്ത രൗദ്രം എന്നീ മലയാള ചിത്രങ്ങളും ഇന്ന് പ്രദര്‍ശനത്തിനുണ്ട്.
രാജ്യാന്തര ചലച്ചിത്രമേള യുടെ ഇന്നത്തെ ഷെഡ്യൂള്‍ ,(ഡിസംബര്‍ 9 (തിങ്കള്‍))
(കൈരളി) രാവിലെ 9.00 ന് ദി കേവ്, 11.30 ന് ഇഷ്‌ക്, 3.00 ന് ദേ സേ നത്തിംഗ് സേയ്‌സ് ദി സെയിം, 6.00 ന് സൈലന്‍സര്‍
(ശ്രീ) രാവിലെ 9.15 ന് സൗത്ത്, 12.00 ന് ടു ബാര്‍ വണ്‍, 3.15 ന് സ്ലൊവേനിയന്‍ ഗേള്‍, 6.15 ന് ചില്‍ഡ്രന്‍ ഓഫ് ദി സെയിം, 8.45 ന് ഡെസ്‌റാന്‍സസ്
(നിള) രാവിലെ 9.30 ന് ഗ്ലിംപ്‌സ് ഓഫ് ദി ലൈറ്റ് ഓഫ് ദി ഫയര്‍ഫ്‌ളൈ, 11.45 നോ ഫാദേഴ്‌സ് ഇന്‍ കാശ്മീര്‍, 3.30 ന് ഇന്റര്‍വ്യൂ, 6.30 ന് ദി ഹാള്‍ട്ട്
(കലാഭവന്‍) രാവിലെ 9.15 ന് 1982, 11.45 ന് ജാം, 3.15 ന് ദി ഫ്യൂനറല്‍, 6.15 ന് ദി ക്രിമിനല്‍ മാന്‍, 8.45 ന് ഹവാ മറിയം അയെഷ
(ടാഗോര്‍) രാവിലെ 9.00 ന് സോറി വീ മിസ്ഡ് യു, 11.30 ന് ആനി മാനി, 2.15 ന് അവ്ര് മദേഴ്‌സ്, 6.00 ന് മൈ ഡിയര്‍ ഫ്രണ്ട്, 8.30 ന് ഒറേയ്
(നിശാഗന്ധി) വൈകീട്ട് 6.00 ന് ബക്കാരു, 8.30 ന് ദി ട്രൂത്ത്, 10.30 ന് യങ് അഹമ്മദ്, 12.00 ന് ഡോര്‍ ലോക്ക്
(ധന്യ) രാവിലെ 9.30 ന് ബൈ ദി ഗ്രേസ് ഓഫ് ഗോഡ്, 12.00 ന് ദി ഹ്യൂമറിസ്റ്റ്, 3.00 ന് മത്തിയാസ് ആന്‍ഡ് മാക്‌സിം, 6.00 ന് എ മൈനര്‍ ഇന്‍കണ്‍വീനിയന്‍സ്, 8.30 ന് സോ ലോങ് മൈ സണ്‍
(രമ്യ) രാവിലെ 9.45 ന് ബൈ എ ഷാര്‍പ് നൈഫ്, 12.15 ന് മാരിഗെല്ല, 3.15 ന് റോസി, 6.15 ന് വേര്‍ഡിക്ട്, 8.45 ന് നോവ ലാന്‍ഡ്
(ന്യൂ 1) രാവിലെ 9.15 ന് ഇന്‍ഹേല്‍ ആന്‍ഡ് എക്‌സ്‌ഹേല്‍, 11.45 ന് കമ്മിറ്റ്‌മെന്റ്, 2.45 ന് കുമ്പളങ്ങി നൈറ്റ്‌സ്, 5.45 ന് ദി വാര്‍ഡന്‍, 8.15 ന് എബൗട്ട് എന്‍ഡ്‌ലെസ്‌നെസ്
(ന്യൂ 2) രാവിലെ 9.30 ന് ആന്‍ഡ് ദി ഓസ്‌കാര്‍ ഗോസ് ടു, 12.00 ന് മിഡ്‌നൈറ്റ് ഓറഞ്ച്, 3.00 ന് ബിഫോര്‍ ഒബ്ലിവിയണ്‍, 6.00 ന് അണ്‍ഇന്റന്റ്ഡ്, 8.30 ന് ജെറോനിമോ
(അജന്ത) രാവിലെ 9.45 ന് നോവ ലിത്വാനിയ, 12.15 ന് ആനന്ദി ഗോപാല്‍, 3.15 ന് എപാര്‍ട്ട് ടുഗെതര്‍, 6.15 ന് ചികുവാരോട്‌സ്, 8.45 ന് ബാക്ക് ടു മാരക്കാന
(ശ്രീ പത്മനാഭ) രാവിലെ 9.30 ന് സ്റ്റോറീസ് @ 8, 12.00 ന് ദി വേയ്‌ഫേഴ്‌സ്, 3.00 ന് ആദം, 6.00 ന് ബലൂണ്‍, 8.30 ന് ഗസ്റ്റ് ഓഫ് ഓണര്‍
(കൃപ 1) രാവിലെ 9.30 ന് ക്രൈം നമ്പര്‍ 103/2005, 12.00 ന് ആഗസ്റ്റ്, 3.00 ന് എ സണ്‍ഡേ, 6.00 ന് ബ്യൂനെല്‍ ഇന്‍ ദി ലേഡി ഓഫ് ദി ടര്‍ട്ടില്‍സ്, 8.30 ന് റാത്ത് 2018
