ട്രംപ് നടപടി വീണ്ടും; എച്ച് 1 ബി വിസ നിര്‍ത്തലാക്കി അമേരിക്ക

വാഷിങ്ടണ്‍: എച്ച് 1 ബി വിസ അനുവദിക്കുന്നത് അമേരിക്ക നിര്‍ത്തിവെച്ചു. ഏപ്രില്‍ ഒന്നു മുതല്‍ ആറു മാസത്തേക്കാണ് താല്‍കാലികമായി വിസ നല്‍കുന്നത് നിര്‍ത്തലാക്കിയത്. യു.എസ് സിറ്റിസണ്‍ഷിപ്പ് ആന്റ് എമിഗ്രേഷന്‍ സര്‍വീസസിന്റേതാണ് ഉത്തരവ്.
ഇതോടെ 1-907 ഫോം പ്രകാരം എച്ച് 1 ബി വിസക്കുള്ള അപേക്ഷ ഇനി പരിഗണിക്കില്. ഫോം 1-129 പ്രകാരമുള്ള അപേക്ഷയും പരിഗണിക്കില്ലെന്നാണ് വിവരം. ഇന്ത്യയുടെ എതിര്‍പ്പ് അവഗണിച്ചാണ് നടപടി. ജീവനക്കാരെ അമേരിക്കയിലേക്ക് അയക്കുന്നതിന് ഇന്ത്യന്‍ ഐടി കമ്പനികള്‍ എച്ച് 1 ബി വിസയാണ് ആശ്രയിച്ചിരുന്നത്. പ്രതിവര്‍ഷം 60000 എച്ച് 1 ബി വിസയാണ് അമേരിക്ക പതിച്ചു നല്‍കുന്നത്. ഇതില്‍ ഏറിയ പങ്കും ഇന്ത്യയുടേതാണ്. അമേരിക്കയില്‍ സ്വദേശിവല്‍ക്കരണം നടപ്പാക്കുന്നതിന് പ്രസിഡന്റ് ഡൊണാള്‍ഡ് ട്രംപിന്റെ നീക്കമാണ് ഇന്ത്യയുള്‍പ്പെടെയുള്ള രാഷ്ട്രങ്ങള്‍ക്ക് വെല്ലുവിളിയായിരിക്കുന്നത്.

SHARE