റെക്കോഡ് തിരുത്തി സ്വര്‍ണവില കുതിക്കുന്നു

സ്വര്‍ണവില വീണ്ടും റെക്കോഡ് തിരുത്തി എക്കാലത്തെയും ഉയര്‍ന്ന നിലവാരമായ 35,120 രൂപയിലെത്തി. ഇന്ന് 400 രൂപയാണ് കൂടിയത്. ഗ്രാമിന് 4,390 രൂപയാണ് വില.

ആഗോള വിപണിയില്‍ സ്വര്‍ണവില ബുധനാഴ്ച ഒരാഴ്ചയിലെ ഉയര്‍ന്ന നിലവാരത്തിലെത്തിയിരുന്നു. അതേസമയം, വ്യാഴാഴ്ച സ്‌പോട്ട് ഗോള്‍ഡ് വിലയില്‍ 0.2ശതമാനം കുറവ് രേഖപ്പെടുത്തി. 1,733.18 ഡോളറാണ് ഒരു ഔണ്‍സിന്റെ വില. ആഗോള വ്യാപകമായി രാജ്യങ്ങള്‍ നടപ്പാക്കിയ ഉത്തേജക നടപടികളും കുറഞ്ഞ പലിശനിരക്കുകളും സ്വര്‍ണത്തിന്റെ ആവശ്യകത വര്‍ധിപ്പിച്ചതാണ് വില വര്‍ധനക്കുള്ള പ്രധാന കാരണം.

SHARE