കൊച്ചി: കുതിപ്പിന് ശേഷം സ്വര്‍ണ വില ഇടിഞ്ഞു തുടങ്ങി. ബുധനാഴ്ച പവന് 1600 രൂപയാണ് കുറഞ്ഞത്.39,200 രൂപയാണ് ഒരു പവന് വില. ഗ്രാമിന് 4,900 രൂപ. ചൊവ്വാഴ്ച രണ്ടു തവണയായി പവന് 800 രൂപയാണ് കുറഞ്ഞിരുന്നത്. നാലു ദിവസം കൊണ്ട് പവന് 2,800 രൂപയാണ് മഞ്ഞലോഹത്തിന് കുറഞ്ഞത്.
അന്താരാഷ്ട്ര വിപണിയിലെ വിലയിടിവാണ് വിപണിയില്‍ പ്രതിഫലിച്ചത്. കോവിഡ് കാലത്ത് സുരക്ഷിത നിക്ഷേപമായി കണ്ട് നിക്ഷേപകര്‍ സ്വര്‍ണം വാങ്ങിക്കൂട്ടിയതോടെ സ്വര്‍ണ വില റെക്കോര്‍ഡില്‍ എത്തിയിരുന്നു.
എന്നാല്‍ റഷ്യയില്‍ കോവിഡിനെതിരായ വാക്‌സിന്‍ കണ്ടുപിടിച്ചതും അമേരിക്കയിലെ സാമ്പത്തിക ഉത്തേജകപാക്കേജും ഡോളറിന്റെ മൂല്യത്തിലെ വര്‍ധനയും സ്വര്‍ണവിലില്‍ പ്രതിഫലിച്ചു.
