കോവിഡ് വാക്‌സിന്‍; ആദ്യഘട്ട പരീക്ഷണം വിജയം


ലണ്ടന്‍: ബ്രിട്ടണിലെ ഓക്സ്ഫോര്‍ഡ് സര്‍വകലാശാല വികസിപ്പിച്ചെടുത്ത കൊവിഡ് പ്രതിരോധ മരുന്നിന്റെ ആദ്യഘട്ട പരീക്ഷണം വിജയമെന്നു റിപ്പോര്‍ട്ട്. വാക്‌സിന്‍ മനുഷ്യരില്‍ നടത്തിയ പരീക്ഷണമാണ് വിജയം കണ്ടത്.

മരുന്ന് പരീക്ഷിച്ച 1077 പേരില്‍ ആര്‍ക്കും ഇതുവരെ ആരോഗ്യപ്രശ്‌നങ്ങളുണ്ടായിട്ടില്ലെന്നാണ് റിപ്പോര്‍ട്ട്. മാത്രമല്ല, അവരുടെ പ്രതിരോധ ശേഷി വര്‍ധിച്ചുവെന്നും പരീക്ഷണത്തിന് നേതൃത്വം നല്‍കിയ ശാസ്ത്രജ്ഞര്‍ അറിയിച്ചു.

അതേസമയം അടുത്ത രണ്ട് ഘട്ടങ്ങള്‍ കൂടി വിജയകരമായി പൂര്‍ത്തിയാക്കിയാല്‍ മാത്രമേ മരുന്ന് വിപണിയില്‍ എത്തൂ. ഇന്ത്യന്‍ കമ്ബനിയായ സെറം ഇന്‍സ്റ്റിറ്റ്യൂട്ടിന്റെ സഹകരണത്തോടെയാണ് ഓക്സ്ഫോര്‍ഡ് സര്‍വകലാശാലയില്‍ വാക്‌സിന്‍ പരീക്ഷണം പുരോഗമിക്കുന്നത്.

SHARE