കൊറോണ വൈറസിനെതിരെ വാക്സിന് പരീക്ഷിക്കുന്നതിനായി റഷ്യയില്‍ സന്നദ്ധപ്രവര്‍ത്തകരെ തിരഞ്ഞെടുത്തു. ജൂണ്‍ അവസാനത്തോടെ പരീക്ഷണം തുടങ്ങാനാണ് റഷ്യ തീരുമാനിച്ചിരിക്കുന്നത്. വാക്സിന് എലികളില്‍ നടത്തിയ പരീക്ഷണങ്ങള്‍ വിജയിച്ചതിന്റെ പശ്ചാത്തലത്തിലാണ് മനുഷ്യരിലേക്ക് പരീക്ഷണം ആരംഭിച്ചത്.
റഷ്യയിലെ പ്രമുഖ വൈറോളജി, ബയോടെക്‌നോളജി ഗവേഷണ കേന്ദ്രമായ വെക്ടര്‍ ഇന്‍സ്റ്റിറ്റിയൂട്ടില്‍ ഫെബ്രുവരിയില്‍ തന്നെ വാക്സിന് നിര്‍മ്മിക്കാനുള്ള പ്രവര്‍ത്തനങ്ങള്‍ തുടങ്ങിയിരുന്നു. സൈബീരിയയിലെ ഏറ്റവും വലിയ നഗരമായ നോവോസിബിര്‍സ്‌കിലാണ് ഇത് പ്രവര്‍ത്തിക്കുന്നത്.
ആദ്യ ഘട്ടത്തില്‍ 60 പേര്‍ പങ്കെടുക്കുമെന്ന് വെക്ടര്‍ ഇന്‍സ്റ്റിറ്റിയൂട്ടിന്റെ ജനറല്‍ ഡയറക്ടര്‍ റിനാത്ത് മക്‌സ്യുതോവ് പറഞ്ഞു. നോവോസിബിര്‍സ്‌കില്‍ നിന്നും മറ്റ് പ്രദേശങ്ങളില്‍ നിന്നുമുള്ള നിരവധി ആളുകള്‍ സന്നദ്ധപ്രവര്‍ത്തകരായി സേവനങ്ങള്‍ വാഗ്ദാനം ചെയ്തിട്ടുണ്ട്. ടെസ്റ്റ് വിഷയങ്ങളുടെ പട്ടിക ഇതിനകം തന്നെ പുറത്തുവിട്ടിട്ടുണ്ട്. ഇപ്പോള്‍ വാക്‌സിനേഷനായി പ്രവര്‍ത്തിക്കുന്ന ടീമിലെ ചില അംഗങ്ങള്‍, ലീഡ് ഡെവലപ്പര്‍ ഇല്‍നാസ് ഇമാറ്റ്ഡിനോവ് എന്നിവരും സന്നദ്ധപ്രവര്‍ത്തകരില്‍ ഉള്‍പ്പെടുന്നുവെന്ന് മക്‌സ്യൂട്ടോവ് വെളിപ്പെടുത്തി. മനുഷ്യ പരീക്ഷണങ്ങളുടെ തുടക്കം കോവിഡ് 19 വാക്സിന് ഉടനെ ലഭിക്കുമെന്ന് അര്‍ഥമാക്കുന്നില്ലെന്നും കാര്യമായ പരീക്ഷണങ്ങള്‍ നടത്തി വിജയിക്കേണ്ടതുണ്ടെന്നും അധികൃതര്‍ അറിയിച്ചു.
