പ്രളയം; പുനര്‍നിര്‍മ്മാണത്തിന് നെതര്‍ലന്റിന്റെ സഹായം സ്വീകരിക്കാന്‍ കേരളത്തിന് കേന്ദ്രത്തിന്റെ അനുമതി

ന്യൂഡല്‍ഹി: കേരളത്തിന്റെ പുനര്‍നിര്‍മ്മാണത്തിനായി നെതര്‍ലന്റ് സര്‍ക്കാര്‍ മുന്നോട്ടുവെച്ച സഹായം തേടാന്‍ സംസ്ഥാന സര്‍ക്കാറിന് കേന്ദ്ര സര്‍ക്കാരിന്റെ അനുമതി. വിദേശകാര്യ മന്ത്രാലയമാണ് നെതര്‍ലന്റ് സാങ്കേതിക സഹായത്തിന് കേരളത്തിന് അനുമതി നല്‍കിയത്. ന്യൂയോര്‍ക്കില്‍ നിന്നും വിദേശകാര്യ മന്ത്രി സുഷമ സ്വരാജ് ആണ് അടിയന്തരമായി അനുമതി നല്‍കിയത്.

കേരളത്തിന്റെ പുനര്‍നിര്‍മ്മാണത്തിനായി രണ്ട് നിര്‍ദ്ദേശങ്ങളാണ് നെതര്‍ലന്റ് മുന്നോട്ട് വെച്ചിരുന്നത്. പ്രളയത്തില്‍ തുറന്ന് കേരളത്തിന്റെ പുനര്‍നിര്‍മ്മാണത്തെ കുറിച്ച് പഠിക്കാന്‍ വിദഗ്ധരടങ്ങിയ ഒരു സംഘത്തെ കേരളത്തിലേക്ക് അയക്കാം. നദികളില്‍ മറ്റും കൂടുതല്‍ ജലമൊഴുക്കാനുള്ള സാങ്കേതിക വിദ്യ കേരളത്തിന് കൈമാറാം. ഈ രണ്ട് നിര്‍ദ്ദേശങ്ങളുടെ അടിസ്ഥാനത്തിലാണ് വിദേശകാര്യമന്ത്രാലയം അനുമതി നല്‍കിയിരിക്കുന്നത്.