മുസ്‌ലിം വിദ്യാര്‍ത്ഥികളെ ലക്ഷ്യമിട്ട് കാനഡ യൂണിവേഴ്‌സിറ്റിയില്‍ ബോംബ് ഭീഷണി

മുസ്‌ലിം വിദ്യാര്‍ത്ഥികളെ ലക്ഷ്യമിട്ട് കാനഡ യൂണിവേഴ്‌സിറ്റിയില്‍ ബോംബ് ഭീഷണി
ഒട്ടാവ: കാനഡ യൂണിവേഴ്‌സിറ്റിയില്‍ മുസ്‌ലിം വിദ്യാര്‍ത്ഥികളെ ലക്ഷ്യമിട്ട് ബോംബ് ഭീഷണി. ക്യൂബെകിലെ മോണ്‍ട്രേല്‍ കേന്ദ്രീകരിച്ച് പ്രവര്‍ത്തിക്കുന്ന കോണ്‍കോര്‍ഡിയ സര്‍വകലാശാലയിലെ വിദ്യാര്‍ത്ഥികള്‍ക്കു നേരെയാണ് ബോംബ് ഭീഷണി. സംഭവത്തെത്തുടര്‍ന്ന് കാമ്പസിലെ നാലായിരത്തോളം വിദ്യാര്‍ത്ഥികളെ ഒഴിപ്പിച്ചു.

_7a7dc458-fef4-11e6-97dc-08322d33dfd3

സ്‌കൂള്‍ അധികൃതര്‍ക്കു ലഭിച്ച ഇ-മെയില്‍ സന്ദേശത്തിലാണ് ഭീഷണി മുഴക്കിയിരിക്കുന്നത്. അതിര്‍ത്തിക്ക് തെക്കു ഭാഗത്ത് (അമേരിക്ക) പ്രസിഡന്റായി ഡൊണാള്‍ഡ് ട്രംപാണെന്നും കാര്യങ്ങള്‍ മാറി മറിഞ്ഞുവെന്നും ഭീഷണിയില്‍ പറയുന്നു. ‘നിങ്ങള്‍ (മുസ്‌ലിം വിഭാഗം) രാജ്യത്തുള്ളത് ഞങ്ങള്‍ക്ക് സഹിക്കാനാവില്ല’ എന്നു പറഞ്ഞായിരുന്നു ഇ-മെയില്‍ സന്ദേശം ആരംഭിക്കുന്നത്. മതപരമായ ഒരു പരിപാടികളും രാജ്യത്ത് നടത്താന്‍ അനുവദിക്കില്ല. അത്തരം കാര്യങ്ങള്‍ അവസാനിപ്പിക്കുന്നതു വരെ ആക്രമണം നടന്നു കൊണ്ടിരിക്കുമെന്നാണ് മുന്നറിയിപ്പ്.

canada-bomb-muslims

സംഭവത്തില്‍ അന്വേഷണം ആരംഭിച്ചതായി മോണ്‍ട്രെല്‍ പൊലീസ് പറഞ്ഞു. സ്‌ഫോടകവസ്തുക്കള്‍ക്കായി തെരച്ചില്‍ നടത്തിയെങ്കിലും കണ്ടെത്താനായിട്ടില്ല. സമാനരീതിയില്‍ സമീപത്തെ മെക്ഗില്‍ യൂണിവേഴ്‌സിറ്റിയിലും ബോംബ് ഭീഷണി ഉണ്ടായിരുന്നു. അന്ന് കാമ്പസില്‍ നിന്ന് ബോംബ് കണ്ടെടുക്കുകയും ചെയ്തിരുന്നു.

SHARE