കൊച്ചി : എടിഎമ്മില്‍ നിന്നും പണം പിന്‍വലിക്കുന്നതിന് കൂടുതല്‍ സുരക്ഷ ഉറപ്പാക്കാന്‍ എസ്ബിഐ ജനുവരി ഒന്നു മുതല്‍ വണ്‍ ടൈം പാസ്‌വേര്‍ഡേ് സംവിധാനം ഏര്‍പ്പെടുത്തിയിരുന്നു. രാജ്യത്തെ എസ്.ബി.ഐ എടിഎമ്മുകളില്‍ നിന്ന് പണം പിന്‍വലിക്കാന്‍ മൊബൈല്‍ ഫോണില്‍ വരുന്ന ഒ.ടി.പി നമ്പര്‍ അടിച്ചു കൊടുത്താല്‍ മാത്രമേ കഴിയൂ. അതിനാല്‍ ഉടന്‍ തന്നെ മൊബൈല്‍ നമ്പര്‍ അക്കൗണ്ടുമായി ബന്ധിപ്പിക്കണമെന്നാണ് എസ്.ബി.ഐ അക്കൗണ്ടുടമകളോട് നിര്‍ദേശിക്കുന്നത്. ഇതിനായി അതാത് ബാങ്ക് ശാഖകളെ സമീപിക്കാനാണ് എസ്ബിഐയുടെ മുന്നറിയിപ്പില്‍ പറയുന്നത്.
രാത്രി എട്ടു മുതല്‍ രാവിലെ എട്ടു വരെ 10,000 രൂപയ്ക്ക് മുകളിലുള്ള ഇടപാടുകള്‍ക്കാണ് ഒ.ടി.പി സംവിധാനം ഏര്‍പ്പെടുത്തുന്നത്.എ.ടി.എം മെഷീനില്‍ കാര്‍ഡ് ഇട്ടാല്‍ ബാങ്കില്‍ രജിസ്റ്റര്‍ ചെയ്തിട്ടുള്ള മൊബൈല്‍ നമ്പറില്‍ ഒ.ടി.പി വരും. സ്‌ക്രീനില്‍ തെളിയുന്ന ഭാഗത്ത് ഒ.ടി.പി നമ്പര്‍ നല്‍കിയാല്‍ പണം പിന്‍വലിക്കാം. ഇത്തരത്തിലാണ് സുരക്ഷാ ക്രമീകരണം എന്നതിനാല്‍ മൊബൈല്‍ നമ്പര്‍ നല്‍കാത്തവര്‍ക്ക് പണം പിന്‍വലിക്കാന്‍ കഴിയില്ലെന്നും എസ്.ബി.ഐ മുന്നറിയിപ്പ്‌
