സ്വര്‍ണക്കടത്ത്: സ്വപ്‌നയ്ക്ക് ജാമ്യം കിട്ടുമോ? ഹര്‍ജി ഇന്ന് കോടതിയില്‍

കൊച്ചി: തിരുവനന്തപുരം വിമാനത്താവളം വഴി സ്വര്‍ണം കടത്തിയ കേസിലെ രണ്ടാം പ്രതി സ്വപ്‌ന സുരേഷിന്റെ ജാമ്യ ഹര്‍ജിയില്‍ എന്‍ഐഎ കോടതി ഇന്ന് വിധി പറയും. ജാമ്യത്തെ എന്‍.ഐ.എ എതിര്‍ത്തിരുന്നു.

ഹര്‍ജിയിലെ വാദത്തിനിടെ മുഖ്യമന്ത്രിയുടെ ഓഫീസില്‍ സ്വപ്‌നയ്ക്ക് വലിയ സ്വാധീനമുണ്ടായിരുന്നുവെന്ന് എന്‍ഐഎ വെളിപ്പടുത്തിയിരുന്നു. മുഖ്യമന്ത്രിയുടെ പ്രിന്‍സിപ്പല്‍ സെക്രട്ടറി എം.ശിവശങ്കറുമായി വലിയ അടുപ്പമാണ് സ്വപ്‌നക്ക് ഉണ്ടായിരുന്നതെന്നും മുഖ്യമന്ത്രിയുമായും പരിചയം ഉണ്ടായിരുന്നുവെന്നും സ്വപ്‌നയുടെ മൊഴി അടിസ്ഥാനമാക്കി എന്‍ഐഎ വാദിച്ചു.

ഈ സാഹചര്യത്തില്‍ സ്വപ്‌നയെ ജാമ്യത്തില്‍ വിടരുതെന്നാണ് എന്‍ഐഎയുടെ വാദം. അതേസമയം, കള്ളക്കടത്ത് കേസില്‍ കസ്റ്റംസ് നിയമങ്ങള്‍ മാത്രമേ ബാധകമാകൂ എന്നും യുഎപിഎ വകുപ്പുകള്‍ നിലനില്‍ക്കില്ല എന്നുമാണ് സ്വപ്‌നയുടെ അഭിഭാഷകന്‍ വാദിച്ചത്. കള്ളക്കടത്തിനെ സാമ്പത്തിക കുറ്റകൃത്യമായി മാത്രം കാണണമെന്നും രാജ്യദ്രോഹമായി കാണരുത് എന്നുമായിരുന്നു അഭിഭാഷകന്‍ വാദിച്ചത്.

SHARE